ग्रामपंचायत सोनजांब

सोनजांब हे गाव सरस्वती नदीच्या काठावरती वसलेले आहे.गावाची लोकसंख्या 2011 च्या जनगणनेनुसार 3388 इतकी असून मूळ व्यवसाय शेती आहे.गावापासून साधारण 02 किमी अंतरावर तिसगाव धरण आहे व सोंनजांब फाट्यावरती सुला वाईन कंपनीचे निर्मिती प्रकल्प व विक्री केंद्र आहे.त्यामुळे गावातील तरुणांना रोजगार उपलब्ध होतो.गावात सर्वेस्वर महादेव मंदिर ,ग्रामदैवत महारुद्र हनुमानाचे मोठे मंदिर असून मार्च महिन्यात गावात यात्रोत्सव होतो व नागपंचमी सणाच्या दिवशी धार्मिक सप्ताह बसतो तसेच गावात दरवर्षी मोठ्या प्रमाणावर धार्मिक कार्यक्रम होत असतात तसेच गावाच्या भौगोलिक क्षेत्रात 3 बंधारे देखील आहेत त्यात मत्स्यव्यवसाय केला जातो त्यातून ग्रामपंचायतला उत्पन्न मिळते तसेच गावात सहकारी सोसायटी पतसंस्था व राष्ट्रीय बँक देखील आहेत.